Bi üs bechömet Dir die beschte Cordon Bleu im Seeland. U das scho sit über 15 Johr. Üsi Spiescharte het aber no ganz vieu angers Feins ds biete. Mir choche sehr gärn traditionell mit früsche u regionale Zuetate.

Mir hei e Gaschtstube für rund 25 Pärsone und es Säali mit rund 50 Plätz. Im Summer heimer e deckti Terrasse für 30 Gäscht. Im Winter boue mir üsi Terrasse jewiels zume heimelige Fondue-Stübli um, wo Dir ire einmalie Atmosphäre es wunderbars Fondue chöit gniesse.

Damit Dir nech bi üs wohlfüehlet und es feins Ässe chöit gniesse, bruchts es tolls Team wo zäme au Tag ds Beschte git.

Aui üsi Mitarbeiter und Mitarbeiterinnen si scho sit vieune Jahr bi üs im Stärnepintli u si drum es igspielts Team.