Cordon Bleu

Ds beschte Cordon Bleu im Seeland

Die si so fein, dass es fasch scho chlei süchtig macht. Probierets doch mau us…;o)

Erfunge heimer ds Cordon Bleu nid, denn das isch dr Legände nach bereits afangs vom 19. Jahrhundert vore Chöchin im Wallis erfunde worde. Wüe dopplet so vieu Gescht si cho aus agmäudet, het si ds bstellte Schwinscarre churzum haubiert und mit Schinke und Raclettechäs gfüllt, damits für aui längt. So isch ds Cordon Bleu gebore gsi.

Hüt 200 Jahr später gits bi üs näbem Klassiker ou no ganz e huufe angeri feini Variantene. Dir chöit zwüsche Schwins und Poulet uslässe und das i 2 verschiedene Grössine mit allerlei Füllige und ere Chinderversion. So dass es sicher für jede Gschmack öbis dr bi het. U de chöit Dir ja noch zwüsche Pommfrites, Salat, Ries u wietere Biilage uswähle.

So jetzt heimer nech hoffendlich chlei gluschtig gmacht uf die beschte Cordon Bleu im Seeland…;o) de fröiie mir üs uf Öie Bsuech.